Բարսելոնան վայրէջք է կատարել Մոնակոյում, որտեղ այսօր երեկոյան մարզում կանցկացնի, իսկ վաղը կվիճարկի ՈՒԵՖԱ - ի սուպերգավաթը Պորտուի հետ:
Բարսելոնան Երևանի ժամանակով 13:00 - ին սկսեց թռիչքն Էլ Պրատ օդանավակայանից և 70 րոպե անց վայրէջք կատարեց Նիցցայի օդանավակայանում: Ավելի ուշ թիմն ուղևորվեց Մոնակո: Պատվիրակության մեջ, բացի տեխնիկական անձնակազմից և ֆուտբոլիստներից, մտնում էին նաև Խորդի Կարդոները, Տոնի Ֆրեյխան, Խորդի Մոյիքսը, Պիլար Ժինովարտը, Խորդի Մեստրեն, Խավիեր Բորդասը, Սիլվիո Էլիասը, Դիդակ Լին, Ռամոն Սիերկոն, Ժոան Բլայդը և Խոսեպ Ռամոն Վիդալ - Աբարկան: Պատվիրակությունը գլխավորում էր Սանդրո Ռոսելը:
Խոսեպ Գվարդիոլան իր հետ տարել է առաջին թիմի բոլոր ֆուտբոլիստներին: Մոնակո են ժամանել նաև խաղացողներից շատերի հարազատները:
Ներկա կլինեն վիճակահանությանը
Բարսելոնայի պատվիրակությունն, որն իջևանել է Մոնտեկարլոյի Էրմիտաժ հյուրանոցում, այսօր ներկա կլինի ՉԼ - ի խմբային փուլի վիճակահանությանը: Լիոնել Մեսսին և Չավի Էրնանդեսը Եվրոպայի լավագույն ֆուտբոլիստի հավակնորդների շարքում են:
