Վալենսիայի դեմ խաղում մեկնարկային կազմում դուրս եկած խաղացողներն ու Սերխիո Բուսկետսը վերականգնողական մարզում անցկացրեցին այսօր:
Կոպա Դել Ռեյի եզրափակչի ուղեգիր նվաճելուց հետո, Բարսելոնան վերադարձավ մարզումներին: Ինչպես միշտ, նախորդ խաղում մեկնարկային կազմում դուրս եկած խաղացողները վերականգնողական մարզում անցկացրեցին: Նրանց էր միացել Բուսկետսը: Մյուս խաղացողները, Բարսա Բ - ի ֆուտբոլիստներ Դոս Սանթոսի, Տելյոյի, Ռոբերտոյի, Էսպինոզայի, Լոբատոյի և Մասիպի հետ միասին, մարզվեցին սովորական ծրագրով:
Սյուտատ Էսպորտիվա մարզաբազայում կայացած մարզմանը ներկա էին Լաուրեուս ակադեմիայի անդամ և նախկին հեծանվորդ Միգել Ինդուրայինն ու իտալացի նախկին խաղացող Ջանֆրանկո Ձոլան:
Այդպիսով, Բարսան, Կոպա Դել Ռեյի եզրափակիչ դուրս գալուց հետո, ողջ ուշադրությունը կենտրոնացրել է Լա Լիգայի առաջիկա խաղի վրա Օսասունայի դեմ: Իր հաջորդ մարզումը Պեպի թիմը կանցկացնի վաղը` Երևանի ժամանակով 21:00 - ից սկսած:
