Չավին այսօր Barca TV - ով հեռարձակվող El Marcador հաղորդման հյուրն էր և նշեց պահի կարևորության մասին: Նա կարծում է, որ իրենք պետք է վայելեն այս պահերը:
"Շատ երջանիկ ենք, որ եզրափակչում ենք: Մենք անցել ենք մի քանի ծանր դիմակայությունների միջով և այստեղ լինելու իրավունք ունենք: Կարծում եմ, որ գերազանցել ենք մեր բոլոր մրցակիցներին և լավ ենք խաղացել.... Ողջ թիմն է տոնում: Մենք հիանում ենք այս վիճակով և հաճախ չենք գնահատում այն, ինչ ունենք: Սա մի պահ է, որը պետք է վայելել", - նշել է Չավին:
Վերադարձ Լա Լիգային
Ընդամենը 2 օր անց Բարսային ծանր արտագնա խաղ է սպասվում Օսասունայի դեմ: Չավին կարծում է, որ Վալենսիայի դեմ տարած փայլուն հաղթանակը շատ կարևոր է: "Սա շրջադարձային պահ է: Այս հաղթանակը շատ լավ կանդրադառնա մեզ վրա: Գիտենք, որ Լա Լիգայում դժվար է լինելու, բայց մենք շարունակելու ենք պայքարել", - հայտարարել է Էրնանդեզը, ով գիտակցում է, որ Ռեալը "հեշտությամբ մեզ միավորներ չի զիջի":
Իրեն լավ է զգում ֆիզիկապես
Չավին վերջին օրերին թեթև հոգնածություն ու վնասվածք ուներ, բայց ասաց. "Մարդիկ արդեն խոսում են կարիերայիս ավարտի մասին, բայց ես վայելում եմ ֆուտբոլը: Որքան վնասվածքներն իմ հանդեպ բարեհաճ գտնվեն, այդքան երկար ես կմնամ այստեղ: Ամեն բան կախված է նրանից, թե ինչպես եմ ես ինձ զգում ֆիզիկապես":
Բարսայի փոխավագն անդրադարձել է նաև Պույոլին. "Նա օրինակ է ծառայում բոլորիս համար: Նա ցույց է տալիս, թե ինչպես է պետք աշխատել: Պույոլն իր հետևից տանում է թիմին: Մենք հաջողակ ենք, որ նրա նման խաղացող ունենք մեր թիմում": Ինչ վերաբերում է Գվարդիոլայի պայմանագրին և դրա հնարավոր երկարաձգմանը, Չավին ասաց. "Պեպը ոչինչ չի ասել, բայց նա ստեղծված է Բարսայի համար: Ոչ մի այլ թիմում նա այդքան լավը չի լինի, որքան այստեղ":
|
