Ինչպես հաղորդում է
իսպանական mundodeportivo - ն, Արգենտինայի ազգային հավաքականի նոր ավագը
կլինի Լիոնել Մեսսին: Այդ մասին լրագրողներին հասկացրել է ալբիսելեստեի
գլխավոր մարզիչ Ալեխանդրո Սաբելլան:
Մինչ Հնդկաստան` Կալկուտա, մեկնելը, որտեղ
ուրբաթ օրը կայանալու է Արգենտինա - Վենեսուելա հանդիպումը, Սաբելլան
հայտարարել է, որ որոշել է, թե ով է լինելու հավաքականի նոր ավագը, որը,
նրա խոսքերով, "որոշիչ դեր կունենա հետագա հաջողություններում":
Կային 4 թեկնածու` գործող ավագ Մասկերանոն, փորձառու Զանետտին և Կամբիասոն ու հավաքականի առաջատար Մեսսին:
Ճիշտ է, Սաբելլան կոնկրետ անուն չի նշել
սակայն ասել է, որ "Արգենտինայի հավաքականի նոր ավագն ուրբաթ օրը գոլ է
հեղինակել": Իսկ ուրբաթ օրը Ինտերը, որում խաղում են Զանետտին ու
Կամբիասոն, հանդիպում չի անցկացրել: Հետևաբար մնում է 2 հիմնական թեկնածու`
Մասկերանո և Մեսսի: Վերջինս բացեց խաղի հաշիվը Պորտուի դեմ խաղում, իսկ
Խավիերը գոլ չհեղինակեց:
Ավելացնենք, որ առայժմ Լեոն ալբիսելեստեի ավագի թևկապը կրել է Մունդիալ 2010 - ում` Հունաստանի դեմ խաղում:
|
