Անտոնի Սուբիսարետան Նիցցայի
օդանավակայանում խոսել է լրագրողների հետ: Նա ընդգծել է խաղացողներին և
Գվարդիոլային, ինչպես նաև բացատրել է, թե որն է Բարսայի հաջողությունների
բանալին:
"Մենք միշտ աշխատում ենք
կատարելագործվելու նպատակով: Մենք գիտենք, որ մեր նվաճած տիտղոսները մեր
աշխատանքի, համեստության և մրցակցին հարգելու հետևանքն են", - ասաց
Սուբիսարետան և ավելացրեց, որ Բարսայի հաջողությունների բանալին
"խաղացողների, տեխնիկական անձնակազմի և գլխավոր մարզչի բնավորությունն ու
մարտահրավերներ ընդունելու կարողությունն են":
Գովեստի խոսքեր թիմի և Պեպի հասցեին
Սուբիսարետան խոստովանեց, որ "մեր բախտը
բերել է, քանզի մենք ունենք հիանալի խաղացողներ և հիանալի մարզիչ: Պեպն ու
իր թիմը մեծ ծավալի աշխատանք են կատարում, նրանք եզակի են": Անտոնին նաև
ընդգծեց, որ "թիմը միշտ առաջ է նայում և պատրաստ է նոր մարտահրավերներ
ընդունել":
Մեսսիի գոլը թիմի շնորհքն էր
Լիոնել Մեսսին առաջ մղեց Բարսային`
փոխանցում ստանալով մրցակցի խաղացողից` Ֆրեդի Գուարինից: Բայց Սուբիսարետան
կարծում է, որ այդ գոլը թիմի շնորհքն էր. "Գոլը ծնվեց մի կարողության
պատճառով, որն ունի մեր թիմը` պրեսինգի դիմելու կարողությունը: Նրանք
կարողանում են այնքան սեղմել մրցակցին, մինչ նա սխալվի և գնդակը հայտնվի
մեկի մոտ, ով ի զորու է որոշումներ կայացնել: Այդպես էլ եղավ":
| 
