Բազմաթիվ վնասվածքները Խոսեպ Գվարդիոլային ստիպեցին դիմել կանտերանոսների օգնությանը: Այդպիսով, առաջին թիմ հրավիրվեց Տելյոն, ով 90 րոպե անցկացրեց խաղադաշտում` Ռեալ Սոսյեդադի դեմ խաղում, ու բացեց խաղի հաշիվը:

Տաղանդավոր հարձակվողը, ով ողջ խաղի ընթացքում լարվածության մեջ պահեց Սոսյեդադի պաշտպաններին, խոստովանել է. "Մի փոքր հուզվում էի հանդերձարանում, երբ իմացա, որ մեկնարկային կազմում եմ: Միաժամանակ հիանալի զգացումներ ունեի":

20 - ամյա Տելյոն այսօր Barca TV - ով հեռարձակվող El Marcador հաղորդման հյուրն էր և խոսեց խաղի մասին, ասելով. "Սա ծանր հաղթանակ էր: Սակայն ես գոհ եմ իմ նորամուտից մեկնարկային կազմում և երջանիկ եմ հաղթանակի համար":

Խաղընկերների մասին

"Մի փոքր զարմանալի էր այս թիմում լինել մեկնարկային կազմում և խաղալ նման մեծագույն ֆուտբոլիստների կողքին: Իմ նոր խաղընկերներն անհավանակ են, նրանք շատ ընկերասեր են", - նշել է Տելյոն, ով ոչ մի խնդիր չի ունեցել առաջին թիմի խաղին հարմարվելու ժամանակ. "Դա այդքան էլ դժվար չէ, քանի որ մենք Բարսա Բ - ում փորձում ենք խաղալ նույն ոճով, որով խաղում է առաջին թիմը":

Քրիստիանը բացահայտել է, թե ինչ է իրեն ասել Գվարդիոլան. "Նա ինձ ասաց, որ լայն գործեմ ու փորձեմ շրջանցել մրցակցի խաղացողներին: Ես երջանիկ եմ, որ մարզիչն ինձ վստահում է": Ի դեպ, Վիկտոր Վալդեսը Facebook - ի իր էջին տեղադրել է Տելյոյի նկարը հետևյալ մեկնաբանությամբ. "Ֆանտաստիկ Տելյոն իր առաջին գոլը խփեց Լա Լիգայում! Մենք ունենք աշխարհի լավագույն մարզադպրոցը":