Երեկ Բարսելոնան փայլուն ֆուտբոլ ցուցադրեց և 2 - 0 հաշվով պարտության մատնեց Վալենսիային` դուրս գալով եզրափակիչ: Գվարդիոլայի թիմը ցուցադրեց մի խաղ, որին Բարսայի երկրպագուները կարոտել էին:

Չնայած, որ Մեսսին երեկ գոլ չխփեց, այդուհանդերձ հիանալի խաղ ցուցադրեց: Ֆաբրեգասը երկար դադարից հետո աչքի ընկավ ու գոլային փոխանցում կատարեց: Ալեքսիսը փայլուն խաղ անցկացրեց, իր ակտիվությամբ աչքի ընկավ Կուենկան, մի քանի դրվագներում իր անհատական վարպետությամբ փայլեց Տիագոն, Չավին, սովորության համաձայն, կառուցում էր թիմի խաղը, Պույոլը, ինչպես վերջին խաղերում, տաքարյուն երիտասարդի տպավորություն էր թողնում, Պիկեն հաջող խաղաց, ի տարբերություն վերջին հանդիպումների, Մասկերանոն իր բարձրության վրա էր, Աբիդալը շատ լավ կատարեց իր պարտականություն և նույնիսկ Պինտոն լավ խաղ անցկացրեց` մի քանի անգամ աչքի ընկնելով հիանալի սեյվերով:



Կարելի է ասել, որ երեկ մենք ականատես եղանք այն Բարսելոնայի խաղին, որը կար նախորդ մրցաշրջանում և այս մրցաշրջանում` դեկտեմբեր ամսին: Փայլուն հաղթանակ և եզրափակչի ուղեգիր!



Մարզադաշտ` Նոու Կամպ

Մրցավար` Ֆերնանդես Բորբալան

Կորուստներ խաղից առաջ`
Բարսելոնա` Աֆելլայ, Վիլյա, Ֆոնտաս, Պեդրո և Բուսկետս (5 - ն էլ վնասվածքի պատճառով), Կեյտան Մալիի հավաքականի կազմում է
Վալենսիա` Մադուրո, Կանալես, Պաբլո և Թոփալ (4 - ն էլ վնասվածքի պատճառով)



Բարսելոնայի կազմը` Պինտո; Աբիդալ, Մասկերանո, Պիկե, Պույոլ; Տիագո, Չավի, Ֆաբրեգաս (Ինիեստա, 91'); Կուենկա (Տելյո, 91'), Մեսսի և Ալեքսիս (Ալվես, 85')



Վալենսիայի կազմը` Դիեգո; Ալբա, Ռուիզ, Ռամի, Միգել; Բանեգա (Կոշտա, 68'), Ալբելդա (Պարեխո, 84'), Մաթյո, Ժոնաս (Պիատի, 79'), Ֆեգուլի; Ադուրից



Գոլերը`

1 - 0 Ֆաբրեգաս (15'), փոխանցումը` Մեսսի

2 - 0 Չավի (81'), փոխանցումը` Ֆաբրեգաս



Զգուշացումներ`

Բարսելոնա` Ֆաբրեգաս (68'), Տիագո (84') և Ալվես (87')

Վալենսիա` Ադուրից (21'), Ֆեգուլի (44'), Ռուիզ (51') և Ֆեգուլի (76')